Элэгний хавдрын үүсгэгч С вирусийг эрт үед нь илрүүлэх, тус вирусийг эмчлэх эмийг хэрэглэгчдэд хүргэхэд санхүүгийн асуудлыг шийдвэрлэхэд нь дэмжлэг үзүүлэх зорилгоор ЭМСЯ-ыг төлөөлж Сайд С.Ламбаа, “Хас банк”-ийг төлөөлж Гүйцэтгэх захирал М.Болд нар “Санамж бичиг”-ийг өнөөдөр үзэглэлээ.
Энэхүү хамтын ажиллагааны хүрээнд Элэгний С вирусийг устгах, хүн амын эрүүл мэндийг хамгаалах чиглэлд ЭМСЯ, Хас банк хамтран ажиллаж оношилгоо эмчилгээ хийлгэж буй иргэдэд өөрийн шалгуур нөхцлийн дагуу хөнгөлөлттэй зээл олгох юм.
Тус банк нь “Эрүүл элэг”-ний зориулалтаар эмчилгээний зээлд зориулан гурван жил хүртэлх хугацаанд 4 сая хүртэлх төгрөгийг сарын 1,2 хувийн хүүтэй олгох бөгөөд, зээлийн мөнгийг тусгайлан гаргасан төлбөрийн картаар олгоно.
Уг картыг одоогоор тус банктай хамтын ажиллагааны гэрээ байгуулсан Интермед, Гранд мед, Сонгдо эмнэлэгүүд болон элэгний төв лабораториуд Омбол эм ханган нийлүүлэгч байгууллагын карт уншигч машинд уншуулан эмчилгээ үйлчилгээний төлбөрөө төлөх боломжтой аж. Ингэснээр зээлдэгч зээлээ зөвхөн өөрийн эмчилгээнд зориулах давуу талтай. Энэхүү зээлийн үйчилчилгээ ирэх сарын 4-нөөс хэрэгжиж эхлэхийг Эрүүл мэнд, спортын сайд С.Ламбаа онцлов.
