Эрүүл мэнд, спортын яам, “Монгол эм импекс концерн” ХХК хамтран ажиллахаар “Санамж бичиг”-т гарын үсэг зурлаа .
Энэхүү санамж бичгийн зорилго нь эрүүл мэндийн салбарт ажиллаж буй эмнэлгийн мэргэжилтнүүдийн эрүүл мэндийг дэмжих, эмчлэх зорилгоор ЭМСЯ, МЭИК хамтран 2000 мэс засал, эх барихын эмч, сувилагч, цус цусан бүтээгдэхүүнтэй шууд харьцаж ажилладаг лаборатрийн мэргэжилтнүүдэд “Элэгний С вирус”-ын эсрэг эмчилгээний эм болох БНЭУ-ын “Mylan Laboratories Limited” үйлдвэрийн эмийг хөнгөлөлттэй үнээр буюу нэг хайрцаг эмийг 150 ам.доллараар олгох юм.
Санамж бичгийн хүрээнд Эрүүл мэнд, спортын яам нь хөнгөлөлттэй үнээр олгох эмийн эмчилгээнд хамрагдах мэс засал, эх барихын эмч, сувилагч, цус цусан бүтээгдэхүүнтэй шууд харьцаж ажилладаг лабораторийн мэргэжилтнүүдэд шаардлагатай 6000 хайрцаг “Элэгний С вирус”-ын эмчилгээний “ Ледвир” эмийг тогтоосон хугацаанд нийлүүлэх үүрэг хүлээнэ.
“С вирусгүй Монгол Улс” үндэсний хөтөлбөрийг орон даяар хэрэгжүүлэгч эрүүл мэндийн салбарын анхдагч 93 жилийн түүхтэй Монгол эм импекс концерн” ХХК нь тус эмийнхээ гурван сарын курс эмчилгээг 450 мянган ам. доллараар үнэлж байна.
