Өнөөдөр Шуурхай удирдлагын албанд Улаанбурхан өвчний дэгдэлтийн үед мэргэжил аргазүйн удирдлагаар ханган ажиллах үүрэг бүхий тархварзүйн, эмнэлзүйн зөвлөх багийн хамтарсан хурал боллоо. Хурлаар улаанбурхан өвчний өнөөгийн байдал, хамралт, эмнэлзүйн зөвлөх багийн үйл ажиллагаа, улаанбурхан-улаанууд өвчний эсрэг нэмэлт дархлаажуулалтын мэдээлэл харилцаа, олон нийтийн хандлагын талаар ярилцлаа.
Хурлаас цаашид нэмэлт дархлаажуулалтын хугацааг 5 дугаар сарын 31 хүртэл сунгасантай холбоотой дархлаажуулалтын хамралт бага байгаа аймгуудад хамралтыг хэрхэн сайжруулах арга замын талаар хэлэлцлээ.
Маргааш буюу 5 дугаар сарын 27-нд нэмэлт дархлаажуулалтын хамралт өндөр байгаа Сэлэнгэ аймгийн сайн туршлага, хамралтын хувь бага байгаа Завхан аймагт тулгамдаж буй асуудлын талаар 21 аймгийн эрүүл мэндийн байгууллагатай цахим хурал хийхээр боллоо.
