ЭМСЯ-ны Төрийн захиргааны удирдлагын газрын дарга Д.Оюунчимэг Олон улсын атомын энергийн агентлагийн Ерөнхий захирлын орлогч,Техникийн хамтын ажиллагааны газрын дарга Дажу Ян болон бусад албаны төлөөлөгчидтэй уулзлаа.
УАЭА нь одоогийн байдлаар 149 оронд гишүүнчлэлтэй, Монгол Улс 1973 онд гишүүнээр элсэж, 1975 оноос хойш техникийн хамтын ажиллагааны хөтөлбөрт хамрагдаж иржээ. Энэхүү уулзалтаар ОУАЭА-ийн Техникийн хамтын ажиллагааны хөтөлбөрийн хүрээнд эрүүл салбарт хэрэгжиж буй төслүүдийн талаар ярилцлаа. Тус агентлагаас гишүүн орнууддаа төсөл хэрэгжүүлдэг бөгөөд манай улсын эрүүл мэндийн салбарт Улсын нэгдүгээр төв эмнэлгийн Цөмийн онош зүйн тасаг, Хавдар судлалын үндэсний төвийн Туяа эмчилгээний тасгууд төсөлд хамрагдсан байна.
Уулзалтад Эмнэлгийн тусламжийн хэлтсийн дарга Л.Зэндмаа, ХСҮТ-ийн Эмчилгээ эрхэлсэн дэд захирал С.Хүрэлсүх, УНТЭ-ийн Эмнэлзүй, сургалт эрхэлсэн дэд захирал Д.Чулуунбаатар нар оролцлоо.
