“Нөхөн үржихүйн эрүүл мэнд” үндэсний IV хөтөлбөрийн хэрэгжилт, үр дүн сэдэвт зөвлөлдөх уулзалт ЭМСЯ-ны Сургалт, мэдээллийн төвд өчигдөр боллоо.
Монгол Улсын Засгийн газрын 2012 оны 61 дүгээр тогтоолоор батлагдсан “Нөхөн үржихүйн эрүүл мэнд” үндэсний IV хөтөлбөр нь 2012-2016 онд хэрэгжиж дуусгавар болж байгаа юм. Х.Энхжаргал, С.Хишгээ, Л.Булган нарын НҮБ-ын Хүн амын сангийн дотоодын зөвлөхүүд үндэсний хөтөлбөрийн төгсгөлийн үнэлгээний үр дүнг танилцуулж, нөхөн үржихүйн эрүүл мэндийн чиглэлээр тулгамдаж буй асуудлууд, цаашид шийдвэрлэх арга замын талаар уулзалтад оролцогсод харилцан санал солилцлоо.
.jpg)
Үнэлгээний дүн, зөвлөмжид тулгуурлан нөхөн үржихүйн эрүүл мэндийн үндэсний V хөтөлбөрийг шинэчлэн боловсруулж Засгийн газраар батлуулахаар төлөвлөж байгаа бөгөөд 2030 он хүртэлх Дэлхийн тогтвортой хөгжлийн зорилт болон Монгол Улсын Тогтвортой хөгжлийн үзэл баримтлал дахь нөхөн үржихүйн тусламж, үйлчилгээний чанар, хүртээмжийг дэмжих замаар эх, хүүхдийн эндэгдэлд нөлөөлөх хүчин зүйлийг багасгах зорилтын хэрэгжилтийг хангахад чухал үүрэг гүйцэтгэх юм.
