ЭМСЯ-ны Төрийн нарийн бичгийн дарга С.Ламбаа Үндэсний оношилгоо эмчилгэний төв байгуулах төслийн үйл ажиллагааг эрчимжүүлэх талаар өнөөдөр БНСУ-ын Самсунг Си энд Ти корпорацийн Дэд ерөнхийлөгч Ли Беом Сүнг, Тайхан электрик компанийн Дэд ерөнхийлөгч Пак Ха Юнг нарыг хүлээн авч уулзаж ярилцлаа.
Тус корпораци нь Үндэсний оношилгоо, эмчилгээний төвийн үндсэн барилгын ажил болон эмнэлгийн тоног төхөөрөмж, зайн оношилгооны тоног төхөөрөмж, тус төвд ажиллах эмч, инженер техникийн албаны хүмүүсийг сургах сургалтыг зохион байгуулах бөгөөд төвийн барилга нь зоорийн давхартайгаа нийлээд 5 давхар орчин үеийн шинэлэг томоохон төв байгуулагдах юм.
БНСУ-ын “Эксим” банкнаас зээлээр Үндэсний оношлогоо, эмчилгээний төвийг барьж байгуулах бөгөөд, тус төвийн шав тавих ёслолыг ирэх сарын сүүлээр тавьж барилгын ажлыг албан ёсоор эхлүүлэхээр хоёр тал тохиролцлоо.
Зээлээр баригдах энэхүү төвийн барилга нь Клиникийн нэгдсэн II эмнэлэгийн дэргэд баригдаж орчин үеийн тоног, төхөөрөмж суурилуулах юм.
