Ази Номхом Далайн Орнуудын Лабораторийн Эмч, Эмгэг судлаач эмч нарын Нийгэмлэг нь хүн амын эрүүл мэндийн энхийн манаанд эмнэлгийн лабораторийн тусламжийг хүртээмжтэй чанартай хүргэх, бусад зорилго нэгт нийгэмлэгүүдтэй хамт гишүүн орнуудын анагаахын шинжлэх ухааны хөгжлийг нэвтрүүлэх, дэмжих, зорилготой болно. Энэхүү нийгэмлэгт Япон, Индонези, Тайван, Солонгос улсаас гадна 2005 оноос Монгол улс гишүүнээр элссэн болно.
.png)
Энэ удаагийн 14 дахь Олон Улсын Хурал нь " Frontiers and Future Realms " нэртэйгээр Тайвань улсын Тайпей хотноо болж, уг хуралд Ази Номхом Далайн Орнуудын Лабораторийн Эмч, Эмгэг судлаач эмч нарын Нийгэмлэгийн тэргүүлэгч гишүүн анагаах ухааны доктор, дэд профессор М.Оюундэлгэр (Ph.D, Ass. prof), Монголын Лабораторийн Онош Зүйчдийн нийгэмлэгийн гүйцэтгэх захирал анагаах ухааны доктор М.Ариунаа (Ph.D,), МЛОЗН нарийн бичгийн дарга докторант Б.Ням (MSc) нарын 25 төлөөлөгч оролцсон байна. Энэхүү хуралд Б.Нямын "UGT1A1 генийн 211 G>A вариантай Монгол өвчтөнд шууд бус билирубин хүнд хэлбэрээр ихэссэн тохиолдол" илтгэл нь шагналт байранд шалгарчээ.
