НИЙСЛЭЛ, ДҮҮРГИЙН ЭМЧ НАРТАА БАЯР ХҮРГЭЖ ШАГНАЛ ГАРДУУЛЛАА

Монгол улсын шадар сайд, Эрүүл мэнд, спортын сайдын үүрэг гүйцэтгэгч Ц.Оюунбаатар дэлхийн эмч нарын өдрийг тохиолдуулан баярын энэ өдрийг ч умартан эрдэнэт хүний эрүүл мэндийн төлөө цаг наргүй ажиллаж байгаа эмч, эмнэлгийн мэргэжилтнүүддээ биечлэн очиж баяр хүргэлээ. Энэ удаа Хан-Уул дүүргийн эрүүл мэндийн нэгдэл болон Хан-Уул дүүргийн нэгдсэн эмнэлэг дээр тус тус очиж эмч нартаа баяр хүргэн хүндэтгэл үзүүллээ. Хан-Уул дүүргийн эрүүл мэндийн нэгдэл нь дүүргийнхээ 160 гаруй мянган хүн амд эрүүл мэндийн хоёр дахь шатлалын тусламж үйлчилгээг үзүүлж байна.

Хан-Уул дүүргийн эрүүл мэндийн нэгдэлчийн эмч нар баярынхаа энэ өдөр эмчлүүлэгчдийнхээ урт дараалал дунд түргэн шуурхай, сахилга хариуцлагатайгаар эрүүл мэндийн тусламж үйлчилгээг үзүүлж байна.

Эрүүл мэнд,спортын сайдыг үүрэг гүйцэтгэгч Ц.Оюунбаатар энэ хамт олны дотроос ажил үйлсээрээ манлайлсан дараах хүмүүсийг шагнаж урамшууллаа.

-Эрүүлийг хамгаалахын тэргүүний ажилтан цол тэмдгээр Яармаг салбарын эрхлэгч Г.Оюунцэцэг

-Эрүүлийг хамгаалахын тэргүүний ажилтан цол тэмдгээр Рентгений эмч Л.Дамдинсүрэн

-Эрүүл мэнд, спортын яамны Жуухаар Сэргээх засах эмчилгээний эмч Ж.Соёлмаа,Сүрьеэгийн эмч Б.Отгон хүү нарыг тус тус шагналаа.

Үүний дараагаар Хан-Уул дүүргийн нэгдсэн эмнэлгийн зорьж эмч, эмнэлгийн ажилтнуудад баяр хүргэж шагнал гардууллаа. Тус нэгдсэн эмнэлгийн хувьд ханиад томуугийн дэлгэлттэй холбогдуулан хүүхдийн тасгийн ачаалал өндөр байгаа тул өндөржүүлсэн байдалд, орны хүрэлцээг нэмэгдүүлэн ажиллаж байна.