Хүний хэрэглээнд зориулагдсан эмийн бүтээгдэхүүний техникийн шаардлагыг уялдуулах олон улсын зөвлөлөөс боловсруулсан хүний оролцоотой эмнэлзүйн судалгааг ёс зүйтэй, шинжлэх ухааны үндэслэлтэй, чанартай явуулах олон улсын стандарт баримт болох “Эмнэлзүйн зохистой дадал”-ын заавар Е6 (R3)-ын сүүлийн хувилбар (2025 оны 01 дүгээр сар)-ыг монгол хэл рүү орчуулан гаргасан.
Эм, эмнэлгийн хэрэгслийн тухай хуулийн 23 дугаар зүйлийн 23.10 дахь хэсэгт “Эмийн эмнэлзүйн туршилтын үе шат, тавигдах шаардлага, оролцогч талуудын эрх, үүрэг, хариуцлага, гэрээний загвар, хяналт тавих журам, ….-г эрүүл мэндийн асуудал хариуцсан Засгийн газрын гишүүн батална.” гэж заасны дагуу үндэсний болон гадаадын эм үйлдвэрлэгчдийг энэхүү стандарт баримтыг удирдлага болгон ашиглуулахаар Эрүүл мэндийн сайдын тушаалын хавсралт болгон батлуулахаар төлөвлөсөн болно.
“Эмнэлзүйн зохистой дадал”-ын заавар Е6 (R3)-ын төслийн орчуулгад санал авахаар байршуулж байна. Эм үйлдвэрлэл болон эрдэм шинжилгээ, судалгааны чиглэлээр ажиллагсад, эмч, багш, судлаач нар идэвхтэй уншиж саналаа ирүүлнэ үү.
Саналыг ЭМЯ-ны Бодлого төлөвлөлтийн газрын Эрүүл мэндийн инноваци, технологи, цахим хөгжлийн хэлтэст албан бичгээр, эсхүл ganzorig@moh.gov.mn имэйлээр ирүүлнэ үү. Лавлагаа авах утас: 263957
Төсөл татах
Шуурхай мэдээ
