НҮБ-аас жил бүрийн арваннэгдүгээр сарын 19-нд “Дэлхийн жорлонгийн өдөр”-ийг тодорхой уриан дор тэмдэглэдэг бөгөөд энэ жилийн уриа нь “Өөрчлөлтийг хурдасгая”.
.jpg)
Энэ өдрийг тохиолдуулан НЭМҮТ-ийн Орчны эрүүл мэнд, нөлөөллийн үнэлгээний албаны мэргэжилтнүүд “Өөрчлөлтийг хурдасгая” сэдэвт сургалтыг энэ сарын 21-нд зохион байгууллаа.
Сургалтад нийслэлийн төвийн зургаан дүүргийн Эрүүл мэндийн газар, нэгдсэн эмнэлгүүд, Өрхийн эрүүл мэндийн төв болон дүүрэг, хороодын 70 орчим мэргэжилтэн болон нийгмийн ажилтнууд оролцож нүхэн жорлонгийн стандарт, нүхэн жорлонгоос үүдэлтэй хөрсний болон агаарын бохирдол, халдварт өвчин, түүнээс урьдчилан сэргийлэх цаашид авах арга хэмжээний талаар мэдээлэл солилцлоо.
Мөн энэ өдөр нийслэлийн төвийн зургаан дүүрэг Баянзүрх, Сүхбаатар, Баянгол, Хан-Уул, Сонгинохайрхан, Чингэлтэйд уг сургалтыг хийсэн бөгөөд өнөөдөр /2023-11-22/-өөс алслагдсан дүүргүүд болох Налайх, Багануур, Багахангайд зохион байгуулж эхэллээ.
