ЭМЯ-ны Шинжлэх ухаан, технологийн зөвлөл 2023 оны долдугаар сарын 5-ны өдөр хуралдаж, тус яамны захиалгаар хэрэгжүүлж, гүйцэтгэсэн нэр бүхий 11 төслийн үр дүнг хэлэлцлээ.
- Анагаах ухааны доктор Д.Наранзулын удирдсан “Монгол улсын хүн амын дундах сүрьеэгийн тархалтын судалгаа” сэдэвт ShUTT_020/2015 төсөл;
- Анагаах ухааны доктор, профессор О.Чимэдсүрэнгийн удирдсан “Цахилгаан халаалттай гэр сууцны дотоод орчны агаарын чанар, оршин суугчдын эрүүл мэндэд үзүүлэх нөлөөллийг үнэлэх судалгаа” сэдэвт Шу-Уз-2017/37 төсөл;
- Анагаах ухааны доктор Д.Отгонжаргалын удирдсан “Өсвөр үеийнхний эрүүл мэндийн эрсдэлт хүчин зүйлс, урьдчилан сэргийлэх асуудал” сэдэвт Шу-Уз-2018/28 төсөл;
- Академич, Анагаахын шинжлэх ухааны доктор, профессор П.Нямдаваагийн удирдсан “Монголд илэрсэн SARS-CoV-2 омгуудын геномын бүтцийг тодорхойлж,молекул эпидемиологийн онцлогийг тогтоон, манай орны нөхцөлд тохирсон тандалт, сэргийлэхийн аргачлал зөвлөмж гаргах” сэдэвт ШУ Уз-2020/32 төсөл;
- Академич, Анагаахын шинжлэх ухааны доктор, профессор Д.Цэрэндагвын удирдсан “Өвсөн гурван халууны найрлагын ходоод, улаан хоолойн хорт хавдрын эсрэг нөлөө” сэдэвт ШУ Уз-2019/33 төсөл;
- Анагаах ухааны доктор, дэд профессор Б.Чимэглхамын удирдсан “Улаанбаатар хотын хүн амын дундах тархины харвалт өвчний регистр судалгаа-өвчлөл, нас баралтын тархвар зүйн мониторинг аргыг туршин нэвтрүүлэх” сэдэвт Шу-Уз-2018/26 төсөл;
- Анагаах ухааны доктор, профессор Р.Оюунгэрэлийн удирдсан “Манай улсад бүртгэгдсэн шинэ коронавирусын халдвар (COVID-19)-ын эмнэлзүйн судалгаа” сэдэвт Шу Уз-2020/14 төсөл;
- Анагаахын шинжлэх ухааны доктор, профессор О.Сэргэлэнгийн удирдсан “Манай оронд зонхилон тохиолдох элэг, улаан хоолойн хорт хавдрыг ялган оношлох, элэгний анхдагч өмөнгийн мэс заслын эмчилгээний үр дүнг нэмэгдүүлэх шинэлэг аргуудыг практикт нэвтрүүлэх” сэдэвт 2012/32Б төсөл;
- Анагаахын шинжлэх ухааны доктор, профессор Г.Отгоны удирдсан “Монгол хүүхдийн бие мах бод дахь бичил элементийн агууламжийн лавлагаа хэмжээ, түүний өөрчлөлтийг илрүүлэх” сэдэвт ShUTT_26/2016 төсөл;
- Химийн ухааны доктор, дэд профессор С.Өнөрсайханы удирдсан “Монгол орны хүн амын дундах бамбай булчирхайн өвчлөл, түүнд нөлөөлөх иод болон эрсдэлт хүчин зүйлсийг судлах нь” сэдэвт ШУ Уз-2019/30 төсөл;
- Анагаах ухааны доктор, профессор З.Лхагвасүрэнгийн удирдсан “Монгол хүний титмэн артерийн нарийсал ба шохойжилтыг компьютерт томо коронарографиар оношилж, нарийсал ба шохойжилтод нөлөөлөх биомаркеруудыг судлах” сэдэвт ШУ Уз-2020/31 төсөл.
