Эрүүл мэндийн даатгалын үндэсний зөвлөлийн 2023 оны зургаадугаар сарын 28-ны хуралдаанаар Эрүүл мэндийн даатгалын сан 2023 оны батлагдсан төсөвт багтаан үр ашигтай зохион байгуулах үүднээс иргэн даатгуулагчдын амь насыг аврах, нэн шаардлагатай эрүүл мэндийн тусламж, үйлчилгээг даатгалын сангаас бүрэн хариуцах, иргэдийг эрүүл мэндийн асуудлаас үүсэх санхүүгийн эрсдэлээс хамгаалах, үр ашиггүй тусламж, үйлчилгээний тоо хэмжээг бууруулах, тусламж, үйлчилгээний төвлөрлийг сааруулж, чанарыг сайжруулахад чиглэсэн өөрчлөлтүүдийг хийж шинэчилсэн журмуудыг баталлаа.
ЭМДҮЗ-ийн 01 дүгээр тогтоолд дараах нэмэлт, өөрчлөлтийг тусгав.
ЭРҮҮЛ МЭНДИЙН ТУСЛАМЖ, ҮЙЛЧИЛГЭЭНД ИРГЭДИЙН ХАЛААСНААС ТӨЛӨХ ХЭМЖЭЭГ БУУРУУЛЖ, САНХҮҮГИЙН ЭРСДЛЭЭС ХАМГААЛНА
Эрүүл мэндийн тусламж үйлчилгээ авахад иргэнээс төлөх төлбөрийг бууруулах оновчтой бодлого хэрэгжүүлэх шаардлага байна. Эмнэлгийн тусламж үйлчилгээнд иргэний төлөх төлбөрийн хэмжээг хувиар тогтоох нь өндөр өртөгтэй тусламж үйлчилгээ шаардлагатай иргэдэд санхүүгийн ихээхэн дарамт учруулдаг. Иймд иргэдийн төлөх төлбөрийн хэмжээг тогтмол дүнгээр тогтоох хэлбэрт шилжүүллээ.
Ингэснээр өндөр өртөгтэй тусламж, үйлчилгээнд иргэдийн төлөх төлбөрийн хэмжээг бууруулав. Тухайлбал, элэг шилжүүлэн суулгах тусламж, үйлчилгээний төлбөрийн хэмжээ 113,6 сая төгрөг бөгөөд иргэн, даатгуулагч хувиасаа 28,4 сая төгрөг төлдөг байсан бол шинэчилсэн тогтоолоор иргэний төлөх төлбөрийн хэмжээг 5 сая төгрөг болгож бууруулж, санхүүгийн эрсдлээс хамгаалж байна.
Ингэснээр өндөр өртөгтэй тусламж, үйлчилгээнд иргэдийн төлөх төлбөрийн хэмжээг бууруулав. Тухайлбал, элэг шилжүүлэн суулгах тусламж, үйлчилгээний төлбөрийн хэмжээ 113,6 сая төгрөг бөгөөд иргэн, даатгуулагч хувиасаа 28,4 сая төгрөг төлдөг байсан бол шинэчилсэн тогтоолоор иргэний төлөх төлбөрийн хэмжээг 5 сая төгрөг болгож бууруулж, санхүүгийн эрсдлээс хамгаалж байна.
ИРГЭН ЭРҮҮЛ МЭНДИЙН ЗАРИМ ТУСЛАМЖ, ҮЙЛЧИЛГЭЭГ ЭМНЭЛЭГТ ХЭВТЭЛГҮЙГЭЭР АМБУЛАТОРИОР АВАХ БОЛОМЖИЙГ ӨРГӨЖҮҮЛЛЭЭ
Манай улсын эмнэлэгт хэвтэлтийн түвшин дэлхийн дунджаас дөрөв дахин их, эдийн засгийн хамтын ажиллагааны орнуудаас хоёр дахин их байна. Иргэдийн дунд эмнэлэгт сувилгаа хэлбэрээр хэвтэн эмчлүүлэх сонирхол их, урьдчилан сэргийлэх, эрт илрүүлэг үзлэгт хамрагдалт хангалтгүй байгаа ба энэ нь эмнэлгийн шаардлагагүй хэвтэлт, үргүй зардлыг нэмэгдүүлж байгаа тул бодлогоор амбулаторийн тусламж, үйлчилгээг өргөжүүлж, иргэн заавал эмнэлэгт хэвтэх бус өдрийн эмчилгээний түүх нээлгэж эмчилгээ хийлгэх, хөнгөлөлттэй эмээр үйлчлүүлэх, амбулаториор мэс ажилбар хийлгэх зэрэг тусламж, үйлчилгээний хүртээмжийг нэмэгдүүллээ.
АМБУЛАТОРИЙН ТУСЛАМЖ, ҮЙЛЧИЛГЭЭ, ХЯНАЛТЫН ҮЗЛЭГИЙН БАГЦУУДЫН ТАРИФЫГ 20 ХҮРТЭЛХ ХУВИАР НЭМЭГДҮҮЛЭВ
Монгол Улсын өвчлөл, нас баралтын тэргүүлэх шалтгаан болж буй халдвар болон халдварт бус өвчлөлийн хяналтыг сайжруулах зорилгоор зүрх судасны өвчин, дотоод шүүрлийн эмгэгийн хяналт, хоол боловсруулах замын эмгэгийн хяналт гэсэн оношийн хамааралтай бүлгийг шинээр үүсгэж, амбулаторийн хяналтын үзлэгийн тарифыг нэмэгдүүлэв.
ЖИРЭМСЭН ЭМЭГТЭЙЧҮҮДЭД ҮЗҮҮЛЭХ ТУСЛАМЖ, ҮЙЛЧИЛГЭЭНИЙ САНХҮҮЖИЛТЭД ӨӨРЧЛӨЛТ ОРУУЛЖ, ЗОХИЦУУЛЛАА
Эрүүл мэндийн байгууллагууд жирэмсэн эхэд үзүүлэх тусламж, үйлчилгээг иж бүрэн цогцоор нь үзүүлэхгүй, иргэдийг өөр эмнэлэгт оношилгоо, шинжилгээ хийлгэхээр илгээж чирэгдүүлдэг асуудал их байсан тул жирэмсний хяналтын багцыг шинэчилж, жирэмсэн эх биеийн эрүүл мэндийн байдлаас шалтгаалж нэмэлтээр өндөр өртөгт оношилгоо, шинжилгээ, шүдний тусламж, үйлчилгээнд хамрагдах тохиолдолд эрүүл мэндийн даатгалын сангаас нэмэлтээр санхүүжүүлэхээр зохицууллаа.
СУМ, ТОСГОНЫ ЭМТ-Д ШҮД ЭМЧЛҮҮЛЭХ ЗАРДЛЫГ НЭМЭГДҮҮЛЭВ
Хүн амыг нас, хүйс, эрүүл мэндийн эрсдэлд нийцсэн урьдчилан сэргийлэх тусламж, үйлчилгээнд хамруулах ажлыг үе шаттайгаар хэрэгжүүлэн ажиллаж байна. Энэ хүрээнд хүүхдийн шүд, амны хөндийн тусламж, үйлчилгээг өргөжүүлж алслагдсан сум, тосгоны эрүүл мэндийн төвөөс урьдчилан сэргийлэх, эмчлэн эрүүлжүүлэх боломжийг бүрдүүлэв.
Урьдчилан сэргийлэх үзлэгийн дүнгээр хүүхдийн шүдний өвчлөл их байгаа тул лавлагаа шатлалын эрүүл мэндийн байгууллагад 1 шүдний эмчилгээг 60,000 төгрөгөөр, жилдээ 3 шүд эмчлүүлэхээр, мөн сум, тосгоны эрүүл мэндийн төвд 90,000 төгрөгөөр, жилдээ 3 шүд эмчлүүлэх зардлыг эрүүл мэндийн даатгалын сангаас санхүүжүүлнэ.
Урьдчилан сэргийлэх үзлэгийн дүнгээр хүүхдийн шүдний өвчлөл их байгаа тул лавлагаа шатлалын эрүүл мэндийн байгууллагад 1 шүдний эмчилгээг 60,000 төгрөгөөр, жилдээ 3 шүд эмчлүүлэхээр, мөн сум, тосгоны эрүүл мэндийн төвд 90,000 төгрөгөөр, жилдээ 3 шүд эмчлүүлэх зардлыг эрүүл мэндийн даатгалын сангаас санхүүжүүлнэ.
ӨНДӨР, ӨРТӨГТЭЙ ОНОШИЛГОО, ШИНЖИЛГЭЭГ ХЯЗГААРЛАХ БОДЛОГЫН ТОХИРУУЛГА ХИЙВ
Гүйцэтгэлийн санхүүжилтийн тогтолцоонд шилжсэнээр эмнэлгүүд тусламж, үйлчилгээний тоо хэмжээг нэмэгдүүлж, иргэдэд шаардлагагүй оношилгоо, шинжилгээ ихээр хийж, иргэдийг өөр эмнэлэг рүү илгээж чирэгдүүлэх, санхүүгийн эрсдэлд оруулах сул тал үүсэх хандлагатай байгаа тул өндөр, өртөгтэй оношилгоо, шинжилгээг хязгаарлах бодлогын тохируулга хийв.
Эрүүл мэндийн даатгалын байгууллага нь КТ болон СPT шинжилгээний тоо, хэмжээг гэрээний дагуу тохиролцож санхүүжүүлнэ. Тоо хэмжээ нь гэрээнээс хэтэрсэн тохиолдол бүрийг олон улсад баримталдаг зарчмын дагуу нийт төлбөрийн хэмжээний 35 хувиар тооцон санхүүжүүлнэ.
Эрүүл мэндийн даатгалын байгууллага нь КТ болон СPT шинжилгээний тоо, хэмжээг гэрээний дагуу тохиролцож санхүүжүүлнэ. Тоо хэмжээ нь гэрээнээс хэтэрсэн тохиолдол бүрийг олон улсад баримталдаг зарчмын дагуу нийт төлбөрийн хэмжээний 35 хувиар тооцон санхүүжүүлнэ.
ТУСЛАМЖ, ҮЙЛЧИЛГЭЭНИЙ ДАВХАРДЛЫГ АРИЛГАН, ТӨВЛӨРЛИЙГ СААРУУЛНА
Чанар, үр дүнд суурилсан санхүүжилтийн шинэчлэлтэй холбоотой эрүүл мэндийн байгууллагууд үйлчлүүлэгчийн төлөө өрсөлдөх, аль болох олон тусламж, үйлчилгээ үзүүлэх сонирхолтой болсон бөгөөд төрөлжсөн мэргэшлийн эмнэлгүүд Нэгдсэн эмнэлэгт үзүүлэх боломжтой тусламж, үйлчилгээг үзүүлж байгаа нь иргэн даатгуулагчийн томоохон эмнэлгүүдийг чиглэсэн урсгалыг нэмэгдүүлэх, эдгээр эмнэлгийн ачаалал ихсэх, хүлээлгийн хугацааг уртасгах, орон нутгийн эмнэлгүүд үйлчлүүлэгчээ алдах, санхүүжилтийн тогтворгүй байдалд орох зэрэг сөрөг нөлөөг бий болгож болзошгүй байгаа тул нэгдсэн эмнэлгийн тусламж, үйлчилгээний Эрүүл мэндийн даатгалын сангаас санхүүжүүлэх тарифыг дэмжиж нэмэгдүүлсэн.
БҮСЧИЛСЭН ХӨГЖЛИЙН БОДЛОГЫГ ГҮЙЦЭТГЭЛИЙН САНХҮҮЖИЛТТЭЙ УЯЛДУУЛНА
Монгол Улсын өргөн уудам газар нутагт тархан байршсан байдал, Mонгол Улсад импортоор орж ирсэн гол нэрийн бүтээгдэхүүнийг голчлон Улаанбаатар хотоос түгээж буй нь нийслэлээс алслагдмал орших орон нутгийн бараа бүтээгдэхүүний үнийн өсөлтөд шууд нөлөө үзүүлж байна.
Нэн ялангуяа алслагдсан аймаг, сум, багт ажиллах эрүүл мэндийн албан хаагчдын цалин хөлсийг нэмэгдүүлэх боломж хомс байна. Иймд Эрүүл мэндийн даатгалын сангаас олгож буй тусламж, үйлчилгээний төлбөрийн хэмжээнд бүсчлэлийн коэффициентыг (Баруун бүс-1,15, хангайн бүс-1,1, Төвийн бүс-1,05, Зүүн бүс-1,05, Улаанбаатар-1 ) тохируулж өгсөн. Жишээлбэл: Баруун бүсэд байршиж буй эрүүл мэндийн байгууллагууд нь Улаанбаатар хотод байршиж буй эмнэлгүүдээс 15 хувиар илүү тарифаар Эрүүл мэндийн даатгалын сангаас санхүүжнэ гэсэн үг юм. Ингэснээр иргэн оршин байгаа газраа санхүүгийн ямар нэгэн эрсдэлд оролгүйгээр шаардлагатай тусламж, үйлчилгээг авах боломж бүрдэх энэ зохицуулалт 2024 оны нэгдүгээр сарын 1-нээс хэрэгжих юм.
Нэн ялангуяа алслагдсан аймаг, сум, багт ажиллах эрүүл мэндийн албан хаагчдын цалин хөлсийг нэмэгдүүлэх боломж хомс байна. Иймд Эрүүл мэндийн даатгалын сангаас олгож буй тусламж, үйлчилгээний төлбөрийн хэмжээнд бүсчлэлийн коэффициентыг (Баруун бүс-1,15, хангайн бүс-1,1, Төвийн бүс-1,05, Зүүн бүс-1,05, Улаанбаатар-1 ) тохируулж өгсөн. Жишээлбэл: Баруун бүсэд байршиж буй эрүүл мэндийн байгууллагууд нь Улаанбаатар хотод байршиж буй эмнэлгүүдээс 15 хувиар илүү тарифаар Эрүүл мэндийн даатгалын сангаас санхүүжнэ гэсэн үг юм. Ингэснээр иргэн оршин байгаа газраа санхүүгийн ямар нэгэн эрсдэлд оролгүйгээр шаардлагатай тусламж, үйлчилгээг авах боломж бүрдэх энэ зохицуулалт 2024 оны нэгдүгээр сарын 1-нээс хэрэгжих юм.
