Сонгинохайрхан дүүргийн Эрүүл мэндийн төвийн эмч, сувилагч нар томуу, томуу төст өвчний үед авах хариу арга хэмжээ, вакцинжуулалт, урьдчилан сэргийлэх зөвлөгөө, мэдээлэл өгөх зорилгоор дүүргийн бага насны хүүхдүүдтэй бүх өрхөөр явж, гэрийн эргэлт хийж ажиллаж байна. Ингэснээр томуу, томуу төст өвчний халдвар авсан хүүхдийг эрт оношлох, эмчилгээ зөвлөгөө өгөх, бусад халдварт өвчнөөс урьдчилан сэргийлэх боломжтой болж байгаа юм.
Гэрийн эргэлтийг чанартай, олон давтамжтай хийснээр ТОМУУ, ТОМУУ ТӨСТ өвчнөөс урьдчилан сэргийлэх, эцэг эхчүүдийн цагийг хэмнэх бүрэн боломжтой юм.
