Сургалтын гол агуулга
Олон улсын практик шалгуурыг давж, судлаач шүүмжлэгчдээс өндөр үнэлгээ авсан зохиол бүтээлийг сонгож зохих журмын дагуу зөвшөөрлийг авч орчуулж нийтийн хүртээл болгох ажлыг Төрийн албаны зөвлөлөөс зохион байгуулсаар байна.
Их Британийн Бирмингхемын Нийтийн удирдлага, стратеги, манлайллын их сургуулийн зочин профессор Паул Жойс (Paul Joyce)-ийн “Нийтийн салбарын стратегийн удирдлага” (Strategic Management in the Public Sector) бүтээлийг МУИС-ийн эрдэмтэн, багш нарын баг Англи хэлнээс орчуулсан юм.
Монгол Улсын дунд болон урт хугацааны стратегийн хөгжлийн төлөвлөлтөд тус болохуйц шинэлэг санааг агуулсан төдийгүй түүнийг хэрэгжүүлэх онол болон практик үйл ажиллагааны уялдаа холбоог хангах эх сурвалж болгон уг номыг төрийн албан хаагчид, эрдэмтэн судлаач хэн бүхэн ашиглах боломжтой. Стратегийн төлөвлөлт ба удирдлагын тухай ойлголт, шийдвэр гаргах үйл явцын онол, арга, жишээ, стратегийн төлөвлөлт хийгээд улс төрийн харилцан хамаарлын талаар номд бичсэн агуулгыг энэ удаагийн сургалтаар тайлбарлан хүргэх болно.
Номыг хянан тохиолдуулсан Монгол Улсын Их сургуулийн Олон улсын харилцаа, нийтийн удирдлагын сургуулийн профессор, Доктор (Ph.D) Н.Бурмаа сургалтыг хөтлөн явуулна.
Хөтөлбөр:
|
Үйл ажиллагаа |
Нэр |
Албан тушаал |
|
“Нийтийн салбарын стратегийн удирдлага” номын танилцуулга |
Н.Бурмаа |
Доктор(Ph.D), Монгол Улсын Их Сургуулийн ОУХНУС, Нийтийн удирдлагын тэнхимийн Профессор |
|
Асуулт, хариулт |
||
|
Дүгнэж үг хэлэх |
Д.Зүмбэрэллхам |
Төрийн албаны зөвлөлийн гишүүн |
