Лого татаж авах Санал хүсэлт Тусламж И-мэйл шалгах Цаг товлох үйлчилгээ

A- A A+

“КОРОНАВИРУСТ БОЛОН АМЬСГАЛЫН ЗАМЫН ХҮНД, ХУРЦ ХЭЛБЭРИЙН ХАЛДВАРТАЙ ӨВЧТӨНИЙ ОНОШИЛГОО, ЭМЧИЛГЭЭГ САЙЖРУУЛАХ” СУРГАЛТ ЗОХИОН БАЙГУУЛАГДЛАА



Коронавируст халдвар болон амьсгалын замын хүнд, хурц хэлбэрийн бусад халдварын үеийн халдварын сэргийлэлт, хяналт, эмнэлгийн тусламж үйлчилгээний бэлэн байдал, оношилгоо, эмчилгээ, коронавируст халдварын дараах хамж шинжийн үеийн сэргээн засах тусламж үйлчилгээг сайжруулах зорилгоор лавлагаа шатлалын эрүүл мэндийн байгууллагуудын эмч, эмнэлгийн мэргэжилтнийг чадавхижуулах онлайн сургалтууд зохион байгуулав. 
 


АХБ-ны хөнгөлөлттэй зээлээр хэрэгжиж байгаа “Эрүүл мэндийн салбар хөгжил хөтөлбөр-5, КОВИД-19-ийн онцгой байдлын тусламжийн нэмэлт санхүүжилт” төслийн хүрээнд  төсөл хэрэгжүүлэх нэгжээс ЭМЯ-ны Эмнэлгийн тусламжийн бодлогын хэрэгжилтийг зохицуулах газрын лавлагаа шатны тусламжийн хэлтэс, ЭМЯ-ны дэргэдэх үндэсний хэмжээний эмнэлзүйн зөвлөх багийн доктор профессорууд болон ХӨСҮТ-ийн мэргэжилтнүүд  хамтран  “КОРОНАВИРУСТ БОЛОН АМЬСГАЛЫН ЗАМЫН ХҮНД, ХУРЦ ХЭЛБЭРИЙН ХАЛДВАРТАЙ ӨВЧТӨНИЙ ОНОШИЛГОО, ЭМЧИЛГЭЭГ САЙЖРУУЛАХ” сургалтыг  2021 оны 6 -7 саруудад 5 удаа 2 өдрөөр тохиолдолд суурилсан хэлбэрээр явуулсан.  
 

 
Аймаг, нийслэлийн төрийн болон хувийн хэвшлийн лавлагаа шатлалын 51 эрүүл мэндийн байгууллагын 800 орчим эмч, мэргэжилтнүүд цахим сургалтанд хамрагдаж  коронавируст халдвар болон амьсгалын замын хүнд, хурц хэлбэрийн халдварын сэргийлэлт, хяналт, оношилгоо, эмчилгээ, тархвар судлал, коронавируст халдварын дараах эмнэлгийн тусламж үйлчилгээ зэрэг сэдвийн хүрээнд мэдлэгээ дээшлүүлсэн.   Сургалтанд оролцсон эмч, мэргэжилтнүүд сургалт зохион байгуулсан ЭМЯ, ЭМСХХ-5 төсөл болон эмнэлзүйн зөвлөх багийнханд хандан “цаг үеэ олсон, хэрэгтэй сайн сургалт болсон” талаар дурдаж, талархалаа илэрхийлсэн байна.
 

 

Холбоотой мэдээ, мэдээлэл