Лого татаж авах Санал хүсэлт Тусламж И-мэйл шалгах Цаг товлох үйлчилгээ

A- A A+

ЭРҮҮЛ МЭНДИЙН САЛБАРЫН “ХӨДӨЛМӨРИЙН ЯАРМАГ-2021” ЦАХИМ АРГА ХЭМЖЭЭ ЗОХИОН БАЙГУУЛАГДЛАА



Анагаах ухааны боловсрол олгох их дээд сургуулиудын төгсөлт болж байгаатай холбогдуулан сургууль төгсөгчид болон ажил идэвхтэй хайж байгаа эрүүл мэндийн мэргэжилтэнг ажлын байраар хангах, ур чадварыг нь байнга хөгжүүлэх, тогтвор суурьшилтай ажиллуулах зорилгоор  ‘’Хөдөлмөрийн яармаг’’ арга хэмжээг жил бүр тогтмол зохион байгуулдаг билээ. Энэ жилийн арга хэмжээ COVID-19 цар тахлын нөхцөл байдлын  улмаас хоёр дахь удаагаа цахим хэлбэрээр 2021 оны 06 сарын 10-30-ны өдрүүдэд зохион байгуулж байна. “Хөдөлмөрийн яармаг-2021” цахим арга хэмжээний хүрээнд эрүүл мэндийн байгууллагад шаардлагатай байгаа сул ажлын байрны мэдээллийг нэгтгэх, танилцуулах, сул ажлын байранд зуучлах, ажил идэвхтэй хайж байгаа эрүүл мэндийн ажилтны мэдээний сан үүсгэх, Төгсөлтийн дараах сургалтын талаар мэдээлэл өгөх зэрэг үйл ажиллагааг зохион  байгуулж байна.
 

 
“Хөдөлмөрийн яармаг-2021”  цахим арга хэмжээгээр 97 эрүүл мэндийн байгууллагын 1000 орчим сул ажлын байрны мэдээлэл танилцуулагдаж байгаагаас сувилагч, дүрс оношлогооны эмч, дотрын эмч  мэргэжлийн сул ажлын байр хамгийн их байна. Уг арга хэмжээ Эрүүл мэндийн хөгжлийн төвийн www.hdc.gov.mn вэб  хуудсаар олон нийтэд хүрэх тул их, дээд сургууль төгсөгчид болон эмнэлгийн мэргэжилтнүүд та бүхэн  өргөнөөр оролцоорой. 

Холбоотой мэдээ, мэдээлэл