Өчигдрөөс эхлэн нийслэлд 11 цэг байгуулан халдвартай хүнтэй хавьтал болсон болон сайн дурын хүмүүсийн шинжилгээг хийж эхэлсэн. Шинжилгээ хийхдээ хоёр давхар шинжилгээ хийж байна. Эхлээд антиген илрүүлэх түргэвчилсэн шинжилгээ хийж түүнийгээ PCR шинжилгээгээр баталгаажуулж байна.
Бид энэ оношилгоог маргааш үргэлжлүүлнэ. Ингэхдээ цэгийн тоог нэмэгдүүллээ. Үүнд өрхийн эмч нарыг хамруулан шинжлэхээр болсон. Мөн аймгуудад түргэвчилсэн оношлуураар шинжилгээ хийхээр ажиллаж байна. Сайн дураар шинжилгээ өгөх хүмүүс өрхийн эмнэлгээсээ цаг авна.
Өнөөдрийн байдлаар бид шинээр батлагдсан тохиолдлуудын ойрын хавьтлуудыг илрүүлэн шинжилгээг нь хийгээд эхэлсэн. Тайвшрах болоогүй, дотоодын вирусын тархалтыг таслан зогсоох хүртэл хариу арга хэмжээ авна хэмээн Эрүүл мэндийн сайд Т.Мөнхсайхан мэдээлэл хийхдээ онцоллоо.
