Их Британи, Австрали, Тайвань, БНСУ, Монгол улсын хамтарсан хөрөнгө оруулалттай “АйВиКо” тарилгын эмийн үйлдвэр нь 2005 онд байгуулагдсан. Тус үйлдвэр нь Чанарын удирдлагын тогтолцоог нэвтрүүлэн “Чанарын хяналтын лаборатори” нь MNS ISO/IEC 17025:2007 стандартын шаардлага ханган итгэмжлэгдсэн лабораторитой болсон байна.
Түүнчлэн 2013 онд олон улсын эмийн үйлдвэрлэлийн “GMP” батламж олгох CERTIPHARM эрх бүхий байгууллага нь тус үйлдвэрт олон улсын “Эм үйлдвэрлэлийн зохистой дадал” –ын шаардлагыг хангасан GMP-ийн гэрчилгээг олгосон байна.
Мөн 2014 онд ЭМСЯ-ны дэргэдэх Хүний эмийн зөвлөлийн хурлын шийдвэрээр “АйВиКо” тарилгын эмийн үйлдвэр нь “Эмийн үйлдвэрт тавих ерөнхий шаардлага” MNS 5524:2014 стандартыг хангасан тул Эрүүл мэндийн сайдын 2015 оны 10 дугаар тушаалаар монгол улсын анхны үндэсний “Эм үйлдвэрлэлийн зохистой дадал”- GMP-ын гэрчилгээ олгосон болно.
“Айвико” тарилгын шингэний эмийн үйлдвэр байгуулагдсаны 10 жилийн ойг тохиолдуулан эмийн талаар төрөөс баримтлах бодлогын хүрээнд хүн ам, эрүүл мэндийн байгууллагыг эмчилгээний өндөр идэвхтэй, аюулгүй чанарын баталгаатай зайлшгүй шаардлагатай эмээр тасралтгүй, жигд хүртээмжтэй хангаж, эмийн зохистой хэрэглээг төлөвшүүлэх ариун үйлсэд амжилт гарган Эм, эмнэлгэийн хэрэгслийн хууль тогтоомжийг хэрэгжүүлэн ажиллаж байгаа тус үйлдвэрийн хамт олонд Эрүүл мэндийн салбарын нэрийн өмнөөс ажлын өндөр амжилт хүсч талархал илэрхийлэв.
