Улсын гуравдугаар төв эмнэлгийн хамт олон “Ойлгое, хүндлье-Гэр бүлийнхээ төлөө” аянд нэгдэж, арга хэмжээ зохион байгууллаа

Улсын гуравдугаар төв эмнэлэг жендерт суурилсан хүчирхийлэлтэй тэмцэх “Ойлгое, хүндлье-Гэр бүлийнхээ төлөө” аянд нэгдэж, хүчирхийллийн эсрэг үйл ажиллагааг зохион байгууллаа.
Дэлхийн 180 гаруй улс орон жил бүрийн 11 сарын 25-наасс 12 сарын 10-ны хооронд “Жендерт суурилсан хүчирхийлэлийн эсрэг” тэмцэн үйл ажиллагаа зохион байгуулдаг уламжлалтай бөгөөд тус эмнэлгийн хамт олон “Ойлгоё, Хүндлье-Гэр бүлийнхээ төлөө” уриан дор хүчирхийллийн эсрэг аяныг өрнүүлэн ажилласан.

Энэхүү аяны хүрээнд 2019.12.02-ны өдөр “Ойлгоё-Хүндлье” уриан дор “Цагаан туузтаны хөдөлгөөн” арга хэмжээг зохион байгуулж, 200 гаруй иргэд, үйлчлүүлэгч, эмч, ажилчдад цагаан тууз зүүж, нийт 335 иргэд, үйлчлүүлэгч, эмч, ажилчдаар хүчирхийллийн эсрэг нэгдэж буйгаа илэрхийлсэн гарын үсэг зуруулан хөдөлгөөн өрнүүлсэн.
Улсын гуравдугаар эмнэлгийн хамт олон Жендерийн эрх тэгш байдлыг хангах 2017-2020 оны үйл ажиллагааны төлөвлөгөөг хэрэгжүүлэн ажилладаг бөгөөд хүүхдийн хүчирхийлэл, гэр бүлийн хүчирхийлэлтэй тэмцэх мэдээлэл, сургалт, сурталчилгааны чиглэлээр жил бүр зорилтот үйл ажиллагааг хэрэгжүүлэн ажилладаг.

2019 онд тус эмнэлэг Зөвлөх поликлиникийн “Өдрийн эмчилгээ”-ний 144 тоот өрөөг хүүхэд, жирэмсэн эх, хөгжлийн бэрхшээлтэй иргэн, хүчирхийллээс урьдчилан сэргийлэх, тусламж үйлчилгээ үзүүлэх өрөө болгон тохижуулж, холбогдох мэдээ мэдээллийн самбар, үзүүлэн зэргийг байршуулж, “Улаан карт”-аар үйлчлэх зохицуулалт хийж ажиллаж байна.