Эрүүл мэндийн сайд Д.Сарангэрэл АХБ-ны Монгол Улс дахь Суурин төлөөлөгч хатагтай Ёланда Фернандез Ломмен-г үүрэгт ажлаа дуусган, нутаг буцахтай нь холбогдуулан хүлээн авч уулзлаа.Уулзалтын эхэнд Эрүүл мэндийн сайд Д.Сарангэрэл АХБ нь Монгол Улсын нийгэм, эдийн засгийн бүхий л салбар, ялангуяа эрүүл мэндийн салбарын хөгжилд тууштай дэмжлэг туслалцаа үзүүлж ирсэн хөгжлийн томоохон түнш мөн болохыг онцлохын зэрэгцээ эрүүл мэндийн салбарын дэд бүтцийг хөгжүүлэх, салбарын засаглал, санхүүжилт, чадавхийг бэхжүүлэх төсөл, хөтөлбөрүүдийг үе шаттайгаар хэрэгжүүлж байгаа нь Монгол Улсын эрүүл мэндийн салбарын хөгжилд үнэтэй хувь нэмэр оруулж байгааг тэмдэглэн хэлээд эдгээр үйл ажиллагаануудыг бодит ажил хэрэг болгоход хүчин чармайлт, идэвх зүтгэл гарган ажилласанд Суурин төлөөлөгч хатагтай Ёланда Фернандез Ломмен-д талархал илэрхийллээ.
Уулзалтын төгсгөлд Эрүүл мэндийн сайд Д.Сарангэрэл Монгол Улсын эрүүл мэндийн салбарыг хөгжүүлэх, хүн амын эрүүл мэндийг сахин хамгаалах үйлст үнэтэй хувь нэмэр оруулсныг үнэлж АХБ-ны Суурин төлөөлөгч хатагтай Ёланда Фернандез Ломмен-д “Эрүүлийг хамгаалахын тэргүүний ажилтан” хүндэт тэмдгийг гардуулан өглөө.
