ЭМЯ-ны Гадаад хамтын ажиллагааны хэлтсийн дарга Б.Янжмаа БНАСАУ-ын Эрүүл мэндийн яамны Төлөвлөлтийн газрын ахлах мэргэжилтэн Ким Мён Сук, тус яамны Сүрьеэ, хумхаагийн хөтөлбөр зохицуулах нэгжийн дарга Ким Хён, Солонгосын Сүрьеэ хумхаагийн сангийн ажилтан Ким Ми Рэ нарыг хүлээн авч уулзлаа.Зочид “Сүрьеэгүй Ази тивийг бий болгох арга замыг хайх нь” Олон улсын эрдэм шинжилгээний хоёрдугаар бага хуралд оролцсон бөгөөд уг арга хэмжээг өндөр түвшинд зохион байгуулсанд талархал илэрхийллээ. Мөн Монгол Улсын Засгийн газар, ЭМЯ-аас хэрэгжүүлж байгаа хөтөлбөрийн талаар ярилцаж, хоёр улсын Эрүүл мэндийн яамдын хамтын ажиллагааг хөгжүүлэх, хамтран ажиллах чиглэл, боломжийн талаар санал солилцлоо.
