Нийслэл Улаанбаатар хотын захирагч Э.Бат-Үүл “Нийслэлийн тэргүүний тохижилт үйлчилгээтэй төрийн өмчит эрүүл мэндийн байгууллага, Өрхийн эрүүл мэндийн төв, Эмнэлгийн шилдэг мэргэжилтэн, ажилтнуудыг шалгаруулж, урамшуулахаар 2015 оны “Журам шинэчлэн батлах тухай” А/304 дүгээр захирамжийг баталж болзолт уралдаан зарласан. Шилдэг эрүүл мэндийн байгууллага, эмнэлгийн мэргэжилтэнг болзлын дагуу шалгаруулах нэгдүгээр шатны шалгаруулалт эхэлсэн тул оролцох хүсэлтэй эрүүл мэндийн байгууллагууд материалаа 2015 оны 10 дугаар сарын 01-ний өдрийн дотор багтаан Нийслэлийн Эрүүл мэндийн газрын ажлын хэсэгт ирүүлнэ үү.
Жич: Захирамжийг www.ulaanbaatar.mn сайтаас авч танилцана уу. Нийслэлд үйл ажиллагаа явуулдаг төрийн өмчит бүх шатны эрүүл мэндийн байгууллагууд оролцох боломжтой.
ТАНИЛЦУУЛГА
Нийслэлийн хэмжээнд хэрэгжүүлж буй үйл ажиллагаа, төсөл, хөтөлбөр, болзолт уралдаануудад эрүүл мэндийн байгууллагуудын оролцоог нэмэгдүүлэх, эмнэлгийн тусламж үйлчилгээний чанар, төрийн үйлчилгээг бүтээлч, шинэлэг байдлаар зохион байгуулах, эмнэлгийн ажиллагсдын нийгмийн асуудлыг тодорхой хэмжээгээр шийдвэрлэх,дэмжихэд чиглэгдсэн үйл ажиллагааг 2013 оноос эхлэн хэрэгжүүлж байна.
Энэхүү ажлын хүрээнд өнгөрсөн онуудад 27 эрүүл мэндийн байгууллага, 67 өрхийн эрүүл мэндийн төв, 446 эмнэлгийн шилдэг эмч сувилагч, ажилтнууд шагнагдаад байна.
Бүх шатны эрүүл мэндийн байгууллагуудыг оролцуулах зорилгоор 2015 онд нийслэлийн нутаг дэвсгэрт үйл ажиллагаа явуулж буй төрийн өмчит эрүүл мэндийн байгууллага, эмнэлгийн ажиллагсдын дунд шалгаруулалт зарласан.
Шалгаруулалт батлагдсан шалгуур үзүүлэлтийн дагуу 2 үе шаттай явагдана.
Эхний шатанд Эрүүл мэндийн байгууллагуудын материал болон байгууллагуудаас шалгарсан шилдэг эмнэлгийн мэргэжилтэн, ажилтнуудын материалыг хүлээн авна.
Хоёр дахь шатны шалгаруулалтыг онооны дарааллаар шалгарсан эхний 10 Эрүүл мэндийн байгууллага, 15 өрх, тосгоны эрүүл мэндийн төвүүдийн үйл ажиллагаатай газар дээр нь очиж үзсэнээр эхний 6 байгууллага, 10 өрхийн эрүүл мэндийн төвийг шалгаруулах ба эхний байранд шалгарсан байгууллагад 120 сая хүртэлх, шилдэг эмнэлгийн ажиллагсдыг 6 хүртэлх сарын үндсэн цалинтай тэнцэх хэмжээний мөнгөн урамшуулал олгож, Нийслэлийн өдөр буюу 10 сарын 29-ны дотор хүндэтгэлийн арга хэмжээг зохион байгуулна.
Холбоо барих утас : 325076, 325054
Нийслэлийн Эрүүл мэндийн газар
