Өндөр өртөгтэй 18 төрлийн мэс заслын тусламж үйлчилгээнд хэрэглэгддэг эмнэлгийн хэрэгсэл, протез, ортопедийн зардлыг Эрүүл мэндийн даатгалын сангаас санхүүжүүлдэг бөгөөд уг тусламж үйлчилгээг улсын хэмжээнд 8 эмнэлэг үзүүлж байна. Үүнээс тус эмнэлэг нь 14 төрлийн өндөр өртөгтэй мэс заслын тусламж үйлчилгээг үзүүлж, нийт санхүүжилтийн 35%-ийг хийж гүйцэтгэсэн.2018 онд Улсын гуравдугаар төв эмнэлэг нийт 6279 хүнд 11,745,146,200 төгрөгийн өндөр өртөгтэй мэс заслын тусламжийг үзүүлж Эрүүл мэндийн даатгалын ерөнхий газартай байгуулсан гэрээний хэрэгжилтийг 100 хувь биелүүлэн ажиллаа.
