Эрүүл мэндийн дэд сайд Л.Бямбасүрэн, Эмнэлгийн тусламжийн газрын дарга М.Баттүвшин нар өнөөдөр Төв аймгийн Нэгдсэн эмнэлгийн хүүхдийн тасаг, хүлээн авах болон төрөх тасгийн үйл ажиллагаатай танилцан үйлчлүүлэгч, эмнэлгийн мэргэжилтнүүдтэй уулзан, тэдний санал бодлыг сонслоо.Тус нэгдсэн эмнэлэгт шинэ оны заагт төрсөн 10 эхэд бэлэг гардуулан, эрүүл энх аз жаргалыг хүсэн ерөөв.
Мөн хүүхдийн тасаг 28 ортой үйл ажиллагаа явуулж байгаагаас өнөөдрийн байдлаар 20 хүүхэд хэвтэн эмчлүүлж байна.
Өнгөрсөн 7 хоногийн амбулаторийн нийт 1453 үзлэгээс 3,5%-ийг томуу, томуу төст өвчин эзэлж байгаа бөгөөд Эрүүл мэндийн сайдын баталсан зааврын дагуу томуу, томуу төст өвчний бэлэн байдлын төлөвлөгөөг гарган, эм, эмнэлгийн хэрэгсэл, хүний нөөцийн хангамжид анхаарал хандуулан ажиллаж байна.
