Цагаан хад суурьшлын бүсэд зохион байгуулагдаж байгаа төрөлжсөн нарийн мэргэжлийн тусламж үзүүлэх үйл ажиллагаанд 12 сарын 16 нд 134, 12 сарын 17 нд 322, 12 сарын 18 нд 289 нийт 745 хүнд 7600 үзлэг, шинжилгээ, зөвлөгөө хийгдсэн байна. 1 хүн дунджаар 10 төрлийн тусламжид хамрагдсан байна.
Цагаан хад суурьшлын бүс нутагт хийгдэж буй эрүүл мэндийн үзлэгт эхний 3 хоногт 745 жолооч болон иргэд хамрагдсаны 174 буюу 23% нь зүрх судасны өвчтэй, 37.3% нь элэг, цөс, ходоодны өвчтэй, 8.3% нь бөөрний өвчтэй, 37.6% нь чих, хамар, хоолойн өвчтэй, 18% нь мэдрэлийн системийн өвчтэй, 38.4% нь шүд, амны хөндийн өвчтэй, 45% нь нүдний өвчтэй, 44.2% нь амьсгалын замын өвчтэй, 4% нь гэмтэл, мэс заслын өвчтэй, 6% нь бэлгийн замаар дамжих халдварын өвчтэй байгааг оношлон эмчилгээ зааж өгсөн байна.
