Эрүүл мэндийн яамнаас хөдөө орон нутгийн хүн амд үзүүлэх эрүүл мэндийн тусламж, үйлчилгээний хүртээмж, чанарыг дээшлүүлэхэд дэмжлэг үзүүлэх зорилгоор улсын төсвийн хөрөнгө оруулалтаар өнөөдөр Дорноговь аймгийн Замын-Үүд сумын нэгдсэн эмнэлэгт иж бүрэн тоноглогдсон 2018 онд үйлдвэрлэгдсэн япон улсын ниссан урбан маркийн түргэн тусламжийн автомашиныг гардуулж өглөө.
Замын-Үүд сум нь 20 мянган гаруй оршин суугчидтайгаас гадна түр болон явуулын иргэдэд эмнэлгийн тусламж үйлчилгээ үзүүлдэг. Эмнэлгийн яаралтай түргэн тусламжийн тасгаар өдөрт 50-60 хүн үйлчлүүлдэг. Алсын дуудлага нь 100-200 км зайтай байдаг байна. Эрүүл мэндийн сайд Д.Сарангэрэл хэлэхдээ энэхүү автомашин нь түргэн тусламжийн үйлчилгээг иргэдэд хүргэхэд ихээхэн хувь нэмэртэй бөгөөд хүнд өвчтөн тээвэрлэхэд хамгийн тохиромжтойг онцоллоо.
