Уг сургалтад “ЭЛЭГ БҮТЭН МОНГОЛ” хөтөлбөрийн хүрээнд эрүүл мэндийн даатгалын сангаас санхүүжиж байгаа хепатитын В, С вирүсийн идэвхжил тодорхойлох шинжилгээг хийж буй лабораториуд, ЭМДГ, УМХЕГ-ын нийт 70 мэргэжилтэн хамрагдлаа.
Уг сургалт нь Монгол улсын Засгийн газраас хэрэгжүүлж буй “ЭЛЭГ БҮТЭН МОНГОЛ” хөтөлбөрийн хүрээнд үр дүн хепатитын В, С вирүсийн идэвхжил тодорхойлох шинжилгээг хийж буй лабораториудын холбогдох мэргэжилтнүүдэд молекул биологийн лабораторийн бүтэц зохион байгуулалт, үйл ажиллагааны талаар анхаарах асуудлууд, хепатитын В,С вирүсийг илрүүлэх ПГУ шинжилгээний олон улсын болон үндэсний чанарын гадаад үнэлгээний хөтөлбөр, лабораторийн тоног төхөөрөмжийн менежмент, олон улсын жишиг аргазүйн талаар зохистой мэдлэг хандлага, ур чадварыг эзэмшүүлэх, чанарыг сайжруулах зорилготой хичээлүүд орлоо.
Сургалтын явцад хепатитын В, С вирүсийн идэвхжил тодорхойлох шинжилгээ хийж буй лабораториуд тумгамдаж буй асуудлын талаар ярилцаж, өөр өөрсдийн туршлагаас хуваалцлаа
