ДЭМБ-ын Монгол дахь Суурин Төлөөлөгч Доктор Сергей Диордица өчигдөр Монгол Улсын Засгийн Газрын Гишүүн, Гадаад Харилцааны Сайд Ноён Д. Цогтбаатарт Итгэмжлэх захидлаа өргөн барилаа.
Уулзалтын эхэнд Гадаад Харилцааны Сайд ДЭМБ-аас Монгол улсын эрүүл мэндийн салбарын хөгжилд үзүүлж буй тусламж дэмжлэгийг онцлон сайшааж, хүн амын эрүүл мэндийг дэмжих, эрүүл мэндийн салбарын хүний нөөцийн чадавхийг бэхжүүлэх, оношлогоо, эмчилгээ, урьдчилан сэргийлэлтийн орчин үеийн шинэ технологийг нутагшуулах, анагаах ухааны чанартай боловсролын тогтолцоог баталгаажуулах зэрэг олон асуудлыг хөндөж санал бодлоо солилцлоо.
