“Дэлхийн хепатитын өдөр-2018”-ийг тэмдэглэн өнгөрүүлэх арга хэмжээний хүрээнд Дэлхийн эрүүл мэндийн байгууллагын Шадар ерөнхий захирал Рэн Минхуй тэргүүтэй төлөөлөгчид Халдварт өвчин судлалын үндэсний төвд зочилж, үйл ажиллагаатай нь танилцлаа. Тус төсвийн захирал доктор Д.Нямхүү Монгол улсын халдварт өвчний одоогийн байдал, цаашид хэрэгжүүлэх арга хэмжээний талаар товч танилцуулж, хүндэт зочидтой санал солилцлоо.Түүнчлэн тус төвийн Олон эмэнд тэсвэртэй сүрьеэгийн тасаг, Амбулатори, “Улаантууз” эмнэлгээр зочилж, сүрьеэ, бэлгийн замаар дамжих халдвар, ХДХВ/ДОХ, хепатитын В,С вирусийн халдварын тусламж үйлчилгээ, үүний дотор хепатитын архаг халдварын тохиолдлыг бүртгэл, эмчилгээний хяналтын явцтай танилцсан байна.
Доктор Рэн Минхуй болон төлөөлөгчид хэлсэн үгэндээ Монгол Улсын Засгийн газраас хэрэгжүүлж байгаа хепатитын вирусын халдварын тархалтыг таслан зогсоох арга хэмжээ нь Номхон далайн баруун бүсэд төдийгүй дэлхий дахинд загвар болж байгааг цохон тэмдэглэж, дархлаажуулалтын чиглэлээр хүрсэн ололт амжилтаа хадгалах, зонхилон тохиолдож буй сүрьеэ, бэлгийн замаар дамжих халдвартай тэмцэх арга хэмжээг улам сайжруулахыг хүсч, халдварт өвчнийг хянах, сэргийлэх арга хэмжээг үндэсний хэмжээнд зохион байгуулахад манлайлан оролцож байгаа Халдварт өвчин судлалын үндэсний төвийн хамт олонд баяр хүргэж, амжилт хүслээ.
Айлчлалын үеэр Стэнфордийн их сургуулиас эмч, мэргэжилтнүүдэд зориулан боловсруулсан “Хепатитын вирусын халдвар” цахим хичээлийн монгол хэлнээ хөрвүүлсэн хувилбарыг танилцуулж, сургалтад ашиглах боломжтой болсныг тус сургуулийн профессор Самуэль Со онцлон тэмдэглэж, ХӨСҮТ-д гардуулан өглөө.
