2018 оны эхний 6 сарын байдлаар Нийслэлийн 61, 106, 111 дүгээр цэцэрлэг, 42 дугаар сургууль, Орхон аймгийн Турк-Монголын хамтарсан сургууль, 20 дугаар сургуульд нийт 280 хүүхэд хоолны хордлогод өртсөн байна.6 дугаар сарын 1-нд Орхон аймгийн Эмпати сургуульд 77 хүүхдэд эмнэлзүйн шинж тэмдэг илэрснээс 47 хүн эмнэлэгт эмчлэгдэж, биеийн байдал сайжирч байна. 84 хүний сорьцод 21 хүнээс Sh.flexneri илэрсэн. Судалгаагаар хордлого үүсгэсэн байж болзошгүй хоол нь пирошки 60 хувь, кимбаб 55 хувь, тарвас 50 хувийн магадлалтай байна.
Хүүхдийн байгууллагад хоолны хордлого голомтлон гарч байгаа нь хүнсний бүтээгдэхүүнийг стандартын шаардлага хангаагүй нөхцөлд удаан хугацаагаар хадгалдаг, гал тогооны өрөөний урсгал дамжлага буруу, технологийн горим алдагдсан, ажилчид эрүүл мэндийн урьдчилан сэргийлэх үзлэгт тогтмол ордоггүй зэрэг эрүүл ахуй, халдвар хамгааллын дэглэмийг зөрчсөнтэй холбоотой байна.
Иймээс хүүхдийн хоол хүнсийг технологийн дагуу бэлтгэх, Дэлхийн эрүүл мэндийн байгууллагын “аюулгүй хоол, хүнсний дараах 5 түлхүүр”-ийг мөрдөн ажиллах шаардлагатай байна. Дараахьзөвлөмжийг хэрэгжүүлнэ үү.
.png)
