Эрүүл мэндийн сайд Д.Сарангэрэл өнөөдөр Дэлхийн банкны Цахим Эрүүл мэндийн төслийн багийн төлөөллийг хүлээн авч уулзлаа. Уулзалтаар талууд төслийн хэрэгжилийг эрчимжүүлэх, амжилттай хэрэгжүүлэхэд шаардлагатай байгаа арга хэмжээ, үйл ажиллагааны төлөвлөлтийг сайжруулах, төслийн хугацаанд хийгдэх ажлын зураглалыг нарийвчлан гаргахаар тогтлоо.
Мөн эрүүл мэндийн анхан шатны байгууллагуудын мэдээлэл технологийн дэд бүтэц, чадавхийг нэмэгдүүлэх чиглэлд анхаарах ёстойг Сайд онцлон тэмдэглэлээ. Дэлхийн Банкны ажлын хэсэг энэ долоо хоногт ажиллан 2 тал төслийн хэрэгжилтийн төлөвлөгөөг тохиролцох юм.
