2018 онд сувилахуйн тусламж үйлчилгээний чанар хүртээмжийг нэмэгдүүлэх, сувилгааны түүх хөтлөлтийн чанарыг сайжруулах зорилгоор “Сувилагч нарын сувилгааны түүх хөтлөх ур чадварыг сайжруулах” вакумжуулсан сургалтыг энэ оны 03 сарын 19-29-ны хооронд зохион байгууллаа.
Тус сургалтанд 17 сум, 6 тосгоны ЭМТ-н нийт 24 ахлах сувилагч 4 ээлжээр тус бүр 5 өдөр суралцаж, сургагч багшаар бэлтгэгдлээ.
Сургалтанд оролцогчдоос сургалтын өмнөх болон дараах шалгалтыг авч, сургалтын дараах шалгалтанд 80%-с доош дүн авсан ахлах сувилагч нарыг дахин нэг өдөр сунган суралцуулж, давтан шалгалт авсан ба 85%-с дээш үр дүн үзүүлвэл төгсч байсан. Ингэснээр сургалтанд хамрагдаж буй сувилагч нар 5 өдрийн хугацаанд өөрсдийгөө дайчлан суралцаж байна.
Бэлтгэгдсэн ахлах сувилагч буюу сургагч багш нар өөрийн байгууллагын сувилагч тусгай мэргжилтнүүдэд зааж сургаснаар аймгийн хэмжээнд сувилгааны түүх хөтлөлтийн чанар сайжирч байна.
Сургалтын дараа ЭМГ-ын даргын 2018 оны А/15 дугаар тушаалаар 04-р сарын 06-с эхлэн бүх сум тосгоны ЭМТөвүүдээс өдөр бүр сувилгааны түүх хөтлөлтийн мэдээг аймгийн Нэгдсэн эмнэлгийн сувилахуйн албанд хүлээн авч нэгтгэн дүгнэж, алдаа дутагдлыг хамтран ярилцаж байгаа ба сард нэг удаа өмнөх сард хэвтэн эмчлүүлсэн үйлчлүүлэгчдийн 3-5 өвчний түүх, сувилгааны түүхийг татан авч, сувилгааны мэдээтэй тулган хянаж, ЭМГ-аас мэргэжил, арга зүйн зөвлөмж өгч хамтран ажиллаж байна.
Цаашид улиралд 1 удаа сувилахуйн тусламж үйлчилгээний зөвлөн туслах багыг сум, тосгоны эрүүл мэндийн төвүүдэд 2 өдрийн хугацаатай ажиллуулахаар төлөвлөсөн ба эхний 5 сумын ЭМТ-д ажиллаад байна.
