Он гарсаар нийслэлийн 106, 111 дүгээр цэцэрлэгт халдварт цусан суулга өвчин гарч, БЗД-ийн 61 дүгээр цэцэрлэгийн 14 хүүхэд уг өвчний улмаас Халдварт өвчин судлалын үндэсний төвд хэвтэн эмчлүүлж байна. Хүүхдийн байгууллагад цусан суулга өвчин гарч байгаа нь хүнсний бүтээгдэхүүнийг стандартын шаардлага хангаагүй нөхцөлд удаан хугацаагаар хадгалдаг, гал тогооны өрөөний урсгал дамжлага буруу, технологийн горим алдагдсан, ажилчид эрүүл мэндийн урьдчилан сэргийлэх үзлэгт тогтмол ордоггүй зэрэг эрүүл ахуй, халдвар хамгааллын дэглэмийг зөрчсөнтэй холбоотой байна. Иймээс өглөө бүр хүүхдийг хүлээж авахдаа бүтэн биений үзлэг хийж, өвчний шинж тэмдэг илэрсэн хүүхдийг гэрт нь буцааж, өрхийн эмчийн хяналтад оруулах; хүүхдийн хоол хүнсийг технологийн дагуу бэлтгэх, Дэлхийн эрүүл мэндийн байгууллагын “аюулгүй хоол, хүнсний дараах 5 түлхүүр ”-ийг мөрдөн ажиллах шаардлагатай байна. Дараахь зөвлөмжийг хэрэгжүүлнэ үү.
.png)
