2018 онд ОУСН-ээс дэвшүүлсэн “Үйлчлүүлэгч, үйлчилгээ үзүүлэгчийн эрхийг хамгаалъя” уриан дор ЭХЭМҮТ-ийн Сувилахуйн албанаас уламжлалт “Сувилагч, эх баригчийн нэг өдөр” аяны нээлтийн үйл ажиллагааг “Дэлхийн эрүүл мэндийн өдөр” 2018.04.07-нд Үндэсний цэцэрлэгт хүрээлэнд зохион байгууллаа.
Уг үйл ажиллагаанд ЭХЭМҮТ-ийн ерөнхий захирал Ш.Энхтөр болон удирдлагууд эмч, сувилагч, эх баригч, дэмжих үйлчилгээний нийт 230 эмнэлгийн мэргэжилтнүүд болон БГД-ын “Улаан загалмайн нийгэмлэг”, “Сүү ХК”, “Макс групп”-ын Эксим салбар, “Монос” ХХК, DOCTOR CLOUN MONGOLIA төрийн бус байгууллагууд хамтран ажиллалаа.
Энэхүү арга хэмжээнд 15 багийн гишүүд 286 иргэдэд сувилахуйн тусламж үйлчилгээг үзүүлж, 580 ш тараах материал тарааж, 12 сэдвээр эрүүл мэндийн боловсрол олгох сургалт,зөвлөгөө өгч, “Сувилагчдаа би хайртай” сэдэвт гар зургийн уралдааныг тус тус зохион байгуулсан.
Тухайн жилийн өдөрлөгийн онцлог нь ЭХЭМҮТ-ийн эмч, сувилагч, эх баригч, дэмжих үйлчилгээний ажилтнууд нэг багаараа үзүүлж, сувилагч нарын эрүүл мэндийн боловсрол олгох сургалт, сурталчилгаа нь иргэдийн эрэлт хэрэгцээнд нийцсэн, сонирхолыг татсан, талархалыг хүлээсэн арга хэмжээ боллоо.
Сувилагч, эх баригчийн нэг өдөр аян нь 2018 оны 04-р сарын 01-нээс 05-р сарын 12-ны өдөр хүртлэх хугацаанд цуврал 7 арга хэмжээг зохион байгуулахаар төлөвлөөд байна.
