Монголын Диабетийн холбоо, Эрүүл мэндийн яам, Дэлхийн эрүүл мэндийн байгууллагатай хамтран “Чихрийн шижингийн тусламж үйлчилгээний өнөөгийн байдал цаашдын зорилт” сэдэвт үндэсний зөвлөлдөх уулзалт 2018 оны 3-р сарын 29-нд зохион байгууллаа.
Тус зөвлөлдөх уулзалтанд Улаанбаатар хотын дүүрэг, төв эмнэлгүүдийн удирдлага, дотоод шүүрэл судлаач эмч, чихрийн шижингийн сургагч багш, хоол зүйч, дүн бүртгэлийн мэргэжилтэн, эмзүйч нарын төлөөлөл оролцлоо.
Уулзалтад оролцогчид бодлого зохион байгуулалт-санхүүжилт, хүний нөөц-сургалт, тусламж, үйлчилгээ, эм технологи-оношилгоо, бүртгэл хяналт, эрүүл мэндийн дэмжих-өвчтөнй сургалт зэрэг 6 бүлэгт хуваагдан өнөөгийн байдал, олон улсын чихрийн шижингийн холбооны зөвлөмж, тулгамдаж буй асуудал, шийвэрлэх арга замын талаар хэлэлцэж тус уулзалтаас гарах зөвлөмжийг боловсрууллаа.
