Улсын Онцгой комиссын дарга, Монгол Улсын Шадар сайд Ө.Энхтүвшингөөр ахлуулсан шуурхай бүлэгт Эрүүл мэндийн яамны Эмнэлгийн тусламжийн газрын мэргэжилтэн М.Оюунчимэг ажиллаж байна. Өвөрхангай, Баянхонгор, Говь-алтай аймгуудын эрүүл мэндийн байгууллагын нөхцөл байдалтай танилцан, өвөлжилт хүндрэлтэй байгаа сумдын хүн амд үзүүлэх, эмнэлгийн тусламж үйлчилгээг ойртуулах, эх хүүхдийн тусламж үйлчилгээ, хүндрэлийн үеийн яаралтай арга хэмжээний шуурхай байдалд хяналт тавьж, мэдээлэл солилцох, үйл ажиллагааг эрчимжүүлэх үүрэг өглөө. Аймгийн онцгой комисст яаралтай отроор явж байгаа иргэдэд яаралтай тусламжийг шуурхай хүргэх эмч, эмнэлгийн ажилчдын онцгой нөхцөлд ажиллахад дэмжлэг үзүүлэх, анхаарах зөвлөмж өгч ажиллаж байна. Иймд нөхцөл байдалтай холбогдуулан сар шинийн баяр ойртож байгаа энэ үед эмнэлгийн тусламж үйлчилгээнд онцгойлон анхаарч, ялангуяа хүнд өвчтөн, төрхийн хяналтанд байгаа эхчүүдэд анхаарлаа хандуулан ажиллах үүрэг болголоо.
