ЭХЭМҮТ-ийн Тандалт судалгааны алба ЭМС-ын 2017 оны 05 дугаар сарын 18-ны өдрийн А/207 тоот “Эхийн өвчлөл, эндэгдэл, 5 хүртэлх насны хүүхдийн эндэгдэл, төрөлхийн хөгжлийн гажгийн тандалтын журам батлах тухай” тушаалын 3.1-т заасан үүргийнхээ дагуу “Амьгүй төрөлтийн өнөөгийн байдал” цахим хурлыг 2017 оны 10 дугаар сарын 23-ны өдөр зохион байгууллаа.
Цахим хуралд ЭХЭМҮТ-ийн ЭБЭЭ-ийн эмчилгээ эрхэлсэн захирал Г.Баттулга, НҮЗП-ийн эрхлэгч Ц.Үржиндэлгэр, ЭХЭМҮТ-ийн ЭХЭМҮТ-ийн Статистик мэдээлэлзүйн тасгийн эрхлэгч Б.Одмаа, Тандалт судалгааны албаны эмч, мэргэжилтнүүд, Налайх дүүргийн эрүүл мэндийн төвийн статистикч бага эмч н.Жанаргүль, Архангай, Баян-Өлгий, Баянхонгор, Говьсүмбэр, Дархан-Уул, Дорнод, Дорноговь, Завхан, Өвөрхангай, Орхон, Сүхбаатар, Сэлэнгэ, Увс, Ховд, Хөвсгөл, Завхан, Хэнтий аймгийн эрүүл мэндийн газрын эх барих эмэгтэйчүүдийн мэргэжилтэн, мэдээллийн мэргэжилтэн, аймгийн нэгдсэн эмнэлгийн эх барих эмэгтэйчүүд, статистикч эмч нарын төлөөлөл бүхий 92 хүн оролцлоо.
Цахим хурлыг ЭХЭМҮТ-ийн ЭБЭЭ-ийн захирал Г.Баттулга удирдан, Тандалт судалгааны албаны эх барих эмэгтэйчүүдийн их эмч Ц.Отгонцэцэг ЭМС-ын 2017.05.18-ны өдрийн А/207 тоот тушаал, Тандалт судалгааны албаны эмч Г.Батзул “Амьгүй төрөлтийн өнөөгийн байдал”, ЭХЭМҮТ-ийн НҮЗП-ийн эрхлэгч Ц.Үржиндэлгэр “Амьгүй төрөлтөөс сэргийлэх тусламж үйлчилгээ”-ны талаар онолын мэдээлэл хийв. Хурлаар амьгүй төрөлтөд хүргэдэг гол шалтгаанууд, тэдгээрийн хүндрэлээс сэргийлэх, тусламж үйлчилгээний зарчим чухал болохыг дурьдлаа.
