Үйл явдлын өдөр тутмын мэдээлэл /2017.09.21/

Улсын хэмжээнд:
Цаг агаарын мэдээ:
 Төв болон зүүн аймгуудын ихэнх нутаг, говийн аймгуудын нутгийн хойд хэсгээр хур тунадас, нойтон цас орно. Салхи нутгийн зүүн хэсгээр баруун өмнөөс бусад нутгаар баруун хойноос 9-14 м/с, говь болон зүүн аймгуудын ихэнх нутаг, төвийн аймгуудын нутгийн өмнөд хэсгээр 18-20 м/с, зарим үед 24 м/с хүртэл ширүүсч шороон шуурга шуурна. Хүйтэрч Алтай, Хангай, Хөвсгөл, Хэнтийн уулархаг нутгаар 4-9 градус, говь болон зүүн аймгуудын нутгийн зүүн хэсгээр 18-23 градус, Алтайн өвөр говь болон Их нууруудын хотгороор 14-19 градус, бусад нутгаар 8-13 градус дулаан байна.

Эх сурвалж: ОБЕГ

Халдварт өвчин:

2017 оны 9 сарын 20-ны өдрийн байдлаар 70 өвчтөн хандсан нь өмнөх оны мөн үеээс (n=72) ижил түвшинд байна.

• Нийт тохиолдлын 42.9%(n=30) нь онош батлагдсанаас 40%(n=12) эмнэлэгт хэвтсэн, 60%(n=18) гэрээр зөвлөгөө авч, өрхийн эмчийн хяналтад орсон байна. Онош үгүйсгэгдсэн тохиолдлын 12-т нь харшлын гаралтай тууралт илэрсэн байна.
• Онош батлагдсан тохиолдлын 66.7%(n=20) гэдэсний халдвар, 30%(n=9) амьсгалын замын, 3.3%(n=1) бусад халдвар байна.

Эх сурвалж: ХӨСҮТ

Олон улсын хэмжээнд:

Хумхаа өвчин : Их Британи  

Их Британи улсад хумхаагийн 3 тохиолдол батлагдсан тухай мэдэээллийг 2017 оны 9 сарын 7-ны өдөр өгсөн байна. Тандалт судалгаагаар өвчтөнүүд Кипр улсад аялсан өгүүлэмжтэй байсан тул иргэдийг Кипр улсад аялал зугаалгаар явахгүй байх талаар Их Британи улсын ЭМЯ-аас зөвлөмж гаргажээ.

Хүний коронавирус (MersCoV)-ын халдвар: Арабын Нэгдсэн Эмират улс

2017 оны 8-р сарын 27-нд Хүний коронавирусын халдварын батлагдсан 1 тохиолдол нэмж мэдээлэгдсэн. 78 настай, эрэгтэй, ажил эрхэлдэггүй ба өвчтөний  биеийн байдал тогтвортой, эмчилгээ хийгдэж байна.

ДЭМБ-ын албан мэдээгээр MersCoV-ийн халдварын лабораториор батлагдсан 2081 тохиолдол, 722  нас баралт бүртгэгдсан байна.

Шар чичрэг: Нигери

Тус улсын Илорин, Историн мужуудад шар чичрэгийн 2 тохиолдол бүртгэгдсэн байна. ЭМЯ-ы судалгааны баг орон нутгийн эмнэлгүүдээс 38 дээж цуглуулж, Илорины их сургуулийн эмнэлэгийн вирус судлалын төвд илгээсэн байна.

Эх сурвалж: ДЭМБ