ДЭМБ-ын Номхон далайн баруун бүсийн төвийн захирал доктор Шин Ёнг Сү-гийн айлчлалын хүрээнд ЭМЯ-ны удирдлагууд, ОБЕГ, ЗӨСҮТ, НЭМҮТ, ХӨСҮТ-ийн шуурхай удирдлагын нэгжүүд, Архангай, Хөвсгөл, Завхан, Сэлэнгэ, Дорнод Дархан-Уул аймгийн ЭМГ-ын мэргэжилтнүүд хамтран цахим хурал хийлээ. Хурлаар ЭМЯ-ны БТГ-ын дарга Т.Төмөртогоо "Эрүүл мэндийн салбарын бодлого чиглэл", ТШУХ-ийн дарга Д.Нарангэрэл "ШУТ, ШУН-үүдийн үйл ажиллагаа", Дархан-Уул аймаг "Эрүүл хот" төсөл, Архангай аймаг "Эрүүл мэндийн Мобайл технологийг өргөжүүлэх" талаар танилцууллаа. Бүсийн Захирал Др. Шин Енг Сү цахим технологийг ашиглан орон нутгийн эмч мэргэжилтнүүдтэй уулзсандаа нэн баяртай байгаагаа илэрхийлж, ололт, амжилтаа бэхжүүлэн, цаашдын хамтын ажиллагаагаа улам өргөжүүлж ажиллана гэдгээ тэмдэглэн хэллээ.
