Эрүүл мэндийн дэд сайд Л.Бямбасүрэн өнөөдөр Глобал сангийн Монгол улсыг хариуцсан менежер Манаб Баснеттыг хүлээн авч уулзлаа.
Уулзалтын эхэн Дэд сайд Л.Бямбасүрэн хэлэхдээ Глобаль сангийн буцалтгүй тусламж Монгол улсад ихээхэн дэмжлэг болсоор ирсэнийг онцлоод, миний бие Үндэсний зохицуулах зөвлөлийн гишүүнээр саяхан сонгогдсон.ҮЗЗ-ийг мэргэжлийн байгууллагын зүгээс чиглүүлэх зайлшгүй шаардлагатай байгаа тул энэ тал дээр гишүүний хувьд идэвхтэй ажиллана. Глобаль сангийн зүгээс санаачлага гарган гишүүдэд чиг баримжаа олгох хөтөлбөр хэрэгжүүлж байгаад талархаж байна. Мөн сангийн талаарх ойлголт, санхүүжилтийн зарчим, ҮЗЗ-ийн чиг үүргийн талаарх мэдлэг харьцангуй сайжирсан гэж найдаж байгаагаа хэллээ.
Монгол улсын Засгийн газраас 2017-2021 онд хэрэгжүүлэх Халдварт өвчинтэй тэмцэх сэргийлэх үндэсний хөтөлбөрийг баталсан бөгөөд уг баримт бичигт тулгуурлан 2018-2020 онд ДОХ, сүрьеэгийн чиглэлээр хэрэгжүүлэх төслийг боловсруулж байна. Манай улсын эдийн засаг хямралтай байгаа энэ үед хүн амын эрүүл мэндийг сахин хамгаалахад энэ тусламж өндөр ач холбогдолтой юм. Шинэ төсөлдөөа ль болох үр өгөөжтэй хүндээ хүрсэн үйл ажиллагаануудыг төлөвлөхөд ажлын хэсэг анхаарч ажиллаж байгаа гэдгийг онцлон хэлсэн юм.
