Эрүүл мэндийн яам, эрүүл мэндийн салбарын хөгжил хөтөлбөр-5 төслөөс хэрэгжиж байгаа эрүүл мэндийн байгууллагуудын эрүүл ахуй, халдварын сэргийлэлт, хяналтыг сайжруулах ажлын хүрээнд “Нян судлалын лабораторийн биоаюулгүй ажиллагаа” сэдэвт сургалтыг 2017 оны 2 дугаар сарын 8-9-ний өдрүүдэд зохион байгууллаа. Сургалтанд төсөл хэрэгжиж байгаа 21 газрын лабораторийн эмч, лаборант нар оролцож, Канадын олон улсын эрүүл мэндийн нийгэмлэгийн халдварын сэргийлэлт, хяналтын асуудал хариуцсан зөвлөх, доктор Левис Томалти хүрэлцэн ирж, биоаюулгүй ажиллагааны олон улсын жишиг арга зүйг үйл ажиллагаандаа хэрэгжүүлэх биоаюулгүй ажиллагааны зохистой хандлага, ур чадвар, дадлыг хангаж ажиллуулах талаар сургалт хийлээ.
