Эрүүл мэндийн дэд сайд Л.Бямбасүрэн өнөөдөр Бүгд Найрамдах Солонгос Улсын Олон Улсын эрүүл мэндийн сангийн буцалтгүй тусламжаар Үндэсний оношилгоо, эмчилгээний төвийн Изотоп үйлдвэрлэх тасгийн инженер, техникийн ажилтнуудыг урт хугацааны сургалтад хамруулах сонгон шалгаруулалтын ажлын хэсгийн анхдугаар хурлыг зохион байгууллаа.
Ажлын хэсгийн гишүүд тус сургалтад хамрагдах инженер, техникийн ажилтнуудад тавигдах шаардлага, тэдний материалтай танилцан санал өгч, сонгон шалгаруулалтын үйл ажиллагааны талаар хэлэлцэв. Дараагийн уулзалтаар сонгон шалгаруулалтын зарыг олон нийтэд нээлттэй зарлах тухай хэлэлцэх юм.
