Эрүүл мэндийн байгууллагын магадлан итгэмжлэл гэдэг нь аюулгүй байдлыг хангаж, стандартын дагуу эрүүл мэндийн тусламж, үйлчилгээг үйлчлүүлэгч бүрт чанарын өндөр төвшинд үзүүлэх хамгийн оновчтой арга бөгөөд чанарын баталгаа болж өгдөг.
Дэлхийн 100 гаруй орны эрүүл мэндийн байгууллагатай хамтран ажилладаг магадлан итгэмжлэлийн Олон улсын JCI (Joint Commission International) байгууллагын магадлан итгэмжлэлийн шалгуурыг амжилттай давж “Алтан тамга”-ын эзэн болсон манай улсын анхны эмнэлэг “Интермед” эмнэлэгт итгэмжлэл гардуулах ёслолын арга хэмжээ 2016 оны 9 дүгээр сарын 23 –нд болов.
Уг арга хэмжээнд тус яамны Төрийн нарийн бичгийн даргын албан үүргийг түр орлон гүйцэтгэгч, төрийн захиргааны удирдлагын газрын дарга Д.Оюунчимэг, Интермед эмнэлгийн эмчилгээ эрхэлсэн захирал Др.Рамсей Хасан, төрийн болон хувийн хэвшлийн эмнэлгийн удирдлагууд, олон улсын байгууллагын төлөөлөл зэрэг албаны хүмүүс хүндэтгэл үзүүлэн талархлаа илэрхийлэн оролцов.
Интермед эмнэлэг олон улсын магадлан итгэмжлэлийг авснаар шинэ цагийн дэвшил авчрах зам нээгдэж, энэ жимээр манай улсын бусад олон эмнэлгийн байгуулагууд оношилгоо, эмчилгээ, үйлчилгээгээ олон улсын төвшинд нийцүүлж, олон улсад магадлан итгэмжлэгдэх цаг тун ойрхон гэдэгт эргэлзэхгүй байна.
