Дэлхийн эрүүл мэндийн байгууллага болон АНУ-ын Өвчний хяналт, сэргийлэлтийн зөвлөх мэргэжилтнүүдийн хамтарсан гурав дах удаагийн баг энэ сарын 27-оос эхлэн 2 долоо хоногийн турш ажиллалаа.
Ажиллах хугацаандаа зөвлөх мэргэжилтнүүд Эрүүл мэндийн бодлогын хэрэгжилтийг зохицуулах газар болон ХӨСҮТ-ийн дарга, мэргэжилтнүүдэд Улаанбурхан өвчний дэгдэлтийн хариу арга хэмжээнд үнэлгээ хийж, хяналт-сэргийлэлт, эмчилгээний тусламж үйлчилгээний чиглэлээр богино болон урт хугацааны зөвлөмжийг өглөө.
Тэрээр улаанбурхан өвчний эсрэг вакцины нөөцийг нэмэгдүүлэх, эмнэлгийн тусламж үйлчилгээг сайжруулах, дэгдэлтийн хариу арга хэмжээ, халдвар хяналт, хавьтлуудад авах арга хэмжээний чиглэлээр гарын авлага боловсруулан хэрэгжүүлэх, хүний нөөцийн чадавхийг сайжруулах, ажилтнуудыг байршуулан ажиллуулах, вакцины сувилагч нарыг нэмэлтээр сургах, нэмэлт дархлаажуулалтаас хоцорсон хүмүүсийг нөхөн дархлаажуулах, шуурхай удирдлагын алба болон нэгжүүд хамтран олон талт арга хэмжээ авч ажиллахыг зөвлөсөн байна.
