Эрүүл мэндийн яам, НҮБ-ын Хүүхдийн сан, “Гал голомт” үндэсний хөдөлгөөн хамтран “Эх, нярайд нэн шаардлагатай болон яаралтай тусламжид ээлтэй орчин бүрдүүлэх нь” сэдэвт уулзалт ярилцлагыг
2010 оны 4 дүгээр сарын 14-ний өдөр зохион байгуулав. Уулзалт ярилцлагад Эх нялхсын эрдэм шинжилгээний төв, Монголын ажил олгогч эздийн холбоо, Монголын Үндэсний худалдаа аж үйлдвэрийн тэнхим, ОСБҮХ, олон улсын түншлэгч байгууллага НҮБ-ын ХАС, “Дэлхийн Зөн Монгол”, Монгол улсад бизнессийн үйл ажиллагаа эрхэлж буй ”Сүлжээ” ХХК, “Гандирс” ХХК, “Монгол Сарлаг” нийгэмлэг, “ЭЗТ” ХХК, “Монгол эм импекс” ХХК, “Монос фармтрейд“ ХХК, “Мед импекс” ХХК, “Бридж констракшин”, “Гурван гал” ХХК, “Хасуу констракшин” ХХК, “MBTEX” ХХК зэрэг аж ахуй нэгж байгууллагууд оролцлоо. Уулзалт ярилцлагын үеэр “Эх, нярайн эрүүл мэндийн өнөөгийн байдал тулгамдсан асуудал, түншлэгчдийн оролцоо” сэдвээр ЭМЯ-ны Эмнэлгийн тусламжийн бодлогын хэрэгжилтийн зохицуулалт хариуцсан мэргэжилтэн Я.Буянжаргал, Г.Соёлгэрэл нар мэдээлэл хийсэн байна. Мөн уулзалтанд оролцогсод Эх нялхсын эрдэм шинжилгээний төвийн Эх барих эмэгтэйчүүдийн клиникийн нярайн тасаг, “Гурван гал” эмнэлгийн бүтэц үйл ажиллагаатай танилцаж, амаржих газрын барилгын стандарт, багаж тоног төхөөрөмжийн хангамж хэрэгцээ шаардлага, эх нярайн тусламжинд нэн шаардлагатай зөөлөн эдлэл, хувцас хэрэгслийн чанар хүртээмжтэй танилцав. Уулзалт ярилцлагаас Эрүүл мэндийн салбар, бизнессийн байгууллагуудтай хамтран ажиллах санамж бичгийг боловсрууллаа. Мөн дээрх аж ахуй нэгжүүд эх, нялхсын эрүүл мэндийг сайжруулах чиглэлээр дэмжлэг үзүүлж ажиллахад бэлэн байгаагаа ЭНЭШТ-ийн хамт олонд илэрхийлсэн юм. Харин ЭНЭШТөвийн хамт олон дээрх байгууллагуудын ажилтнуудыг урьдчилан сэргийлэх үзлэгт хамруулах зэргээр хамтран ажиллахаар тохиролцжээ.
